من هالكلمات .. مستهلكه .. و اسطمبه

قصة هالكلمتين انه اكو اشياء وايد هبوا فيها الناس ومعروف انه شعب الكويت شعب بو هبه

فعشان جذي .. كل ما نشوف شئ هابين فيه الناس نقول عنه مستهلك .. او اسطمبه ثاااابته باللهجه المصريه

مثل الحركه اللي هابين فيها الحين تشمااااغ الزلمات .. وقصات الشعر اليديده وغيرها

مو هني المشكلة .. المشكلة انه الكووووويت بكبررررررها صاااااااارت اسطمبه ..

خلاص .. زهقنا .. والله حفظت الكويت كلها شارع شارع .. ملينا واحنا نصقع مشاوير

مو هني موضوووعنا لوول .. انزين بما انه الكويت صارت مستهلكه وين ما نروح ملل وزهقه

اليوم قلنا نبي نغير .. نبي مكان يديد .. واحنا نحوس بالشوارع لقييييينا مكان كنا ظالمييينه واااايد

دايم نمر يمه ونعطيييييه سكككب ولا نهتم فيه .. بس اليوم قررنا ننزل ونستكشف الوضع

الوضع !! الوضع كاااااااااان مأساااااااااااااوي

نعم !! لقيييينا نفسنا في سااااااااحة غوووووولف !!!!!!

تعرفون حلقة مستر بين اللي يلعب غولف لما تحنج الكره وياه وطول اليوم طاحس ومبتلش يراكض وراها وما يصير يمسكها

للأسف .. هالحلقه ولا شئ بالنسبة للي صار فينا اليوم .. بس هالمره مو الكره اللي حنجت ويانا

اللي حنجت وياااانا الورقه اللي نسجل فيها النتايج ..

خلو سالفة الورقة بصووب .. نرجع لها بعد شوي ..

المهم .. دشينا جان نشتري تذكره وحده حقنا انا وماجد .. حميد كان متفهم ويانا ومشانا

وعطانا ورقة وقلم عشان نسجل النتيجه عقب كل مرحله من الـ18 مرحله

وكل مرحله تختلف عن الثانية طبعا .. وكل شوي تزيد الصعوبة

المهم .. نقينا الكره الورديه وتوكلنا على الله

المرحله الاولى .. الضربه الاولى ينفذها ماجد

ولا تدروووووووون .. مااااااااله دااااااعي اشرح

شوووووفوووو الفيديو التاااااريييييخييييييييييييييييييييييي

تحميل الفيديو

المهم .. كملنا مرحله ورى مرحله والنتايج متقاربه وتنافس حاااااامي والكل يثبت نفسه

ليما وصلنا اخر مرحله .. المرحله الحاااااسمه

لعب ماجد .. طقه .. طقتين .. الثااااالثه جان يكون الكره بالحفره .. جان نطل بالحفره .. ولا ماااكو كره :S

يه !! وييييييين اختفت الكره !! اثاااااري الحفره هذي كااانت خدعه .. الكره اللي تطيح فيه خلاص تنزل وتروح مخزن الكور لوووول

ما يصييييييير .. الحين دوري لازم العب انااااا عشان نحسب النتيجة النهائية

قلنا خلاص عيل ماله داعي هالمرحله .. خل نحسب اللي قبل وكافي ..

وفجأأأأأأأأأأأأأأأه !!!!!!!!!!!!!!!!!!!!!!

فجأأأأأأأأأأأأه !!!!!!!!!!!!

صاااااااارت الساااالفه التاااريخيييية

ورقة النتااايج ..

ويييييين الورقه

الورقه تزللللللللق من اييييييد مجووووووود

وتترنح يمييييين يساااااااار

يسااااااار يميييييييييين

ومااااجد يطالع الورقه ومتنح ينطر الورقه تطيح بالقاع وياخذها

الورقه .!!

يا جماااااااعة .. الورقة طاااااااحت بالحفره النذذذذذذذله

لوووووووووووووووووووووووووووووووووووووووووووووووول

لووووووووووووووووووووووووووووووووول

راااااااااحت الورقة ورااااااح تعبنا وحماسنا

طبعا بعد ما طاحت الورقة استلمت مجوووووود طق بعصاية الغوووولف

شوفوا شصاار بعد ما طاحت الورقة

تحميل الفيديو

مادري شقول .. كسرة عمر ؟؟

تحنج ؟؟؟

مستر بين اللي اهو مستر بين ما صار وياه اللي صار فينا

طبعا ما بقى عندنا إلى القلم اللي كنا نسجل فيه النتايج

وهذي صورة تاريخية للقلم

(( اضغط على الصورة للتكبير ))

على العمووووووم استانسنا على المكان .. وقلنا نروحله دايم لأنه صج وناسة

إلى أن يصبح المكااان مستهلك .. عقبها ندور مكان يديد

إلى اللقاء

صج ان العيد كان املق عيد مر علي بس حللناه صح

على العموم ماني قايل شسويت بالعيد هالاشياء اضيفها لملف اسراري

المهم .. 12 يوم عطلة كانت كفيله انه تقلب موااااااازين اوقاتي

اختربت النومه .. صرت انام 6 المغرب واقعد 4 الفير

بس بصراحه اكتشفت وايد اشياء كانت طايفتني طول السنتين الاخيرتين

اقوووولها وبكل صراحه .. انا متحسف لأني ما خذيت محاضره س 8 الصبح

يعني اليوم رااااابع يوم اروح الكلية الساعه 6 ونص توها الشمس ما طلعت حتى

شعووووور لا يوصف .. الاجواء بالكلية مغريييييييه ..

طبعا ادش المواقف ماكو ولا سيارة انا اول واحد .. اسوي حدره بدره على المواقف وانقي موقف بمزاجي

وانزل اقعد باللوبي اييني ماليراج يسويلي قهوه

الزبده .. السنه اليايه اكيييييد بإذن الله راح اسجل موادي 8 الصبح وماراح اندم

into http://www.Google.com.kw

Eid Greetings! - عيدكم مبارك

اني أرفع كل الابحاث اللي قدمتها منذ دخولي لكلية الحقوق .. واللي لازلت احتفظ فيها إلى الآن

اللي يميز هالابحاث اني صج تعبت فيها خاصة اني كنت مهملها لآخر لحظه .. وهذي العاده معروفه عني اني ما اشتغل إلا حده حده

لكن بالفعل كان شغل متعوب وكنت استمتع بالكتابه واحس انه هالبحوث لها قيمه ومنزله خاصه بالنسبة لي لأنها كانت باسلوبي وترتيبي وافكاري

مابي اتفلسف بس الواحد ينقهر لما يشوف الغير يسوون بحوثهم وواجباتهم بمحلات التصوير وخدمة طلبه ومكاتب المحامين

على العموم نبدي بالجداول الدراسيه من سنة أولى إلى السنه الحاليه اللي اهي سنه ثالثه والله يعينا عليها

جدولي الدراسي لسنه أولى .. جدول مو طبيعي والله دوام خفيف ولعب ووناسة كنت مطيح بلاب الوطنيه عقب المحاضرات

جدول سنة ثانيه .. جدول حلو خاصة افتكيت من محاضرة ساعه 8 وهذا احلى شئ بجدول سنه ثانية .. ومع ذلك كنت اغيب اقل شئ يومين في الاسبوع

جدول سنة ثالثه .. هالجدول صارت عليه تعديلات كبيره لو ما صارت هالتغييرات جان الحين طااااحس بالدوام الثقيل .. بس الحمدلله تعدل نوعا ما وصار سنع بفضل حكمة الدكاتره

خلصنا من الجداول الحين نبلش بالبحوث اللي سويتها

بحث بعنوان النظام الاشتراكي مزاياه وعيوبه .. قدمته بآخر يوم من موعد التسليم طبعا الدكتور صفوت وقتها ماعجبه موضوع البحث يقول سهل واي واحد يكتب فيه .. انا بصراحه زييين سويت البحث فخل يحمد ربه ابركله سويت نفسي فاهم وألفت جم شغله اضافيه عن النظام الاشتراكي عشان أبينله اني مهتم بالتفاصيل .. جان يطلعلي بشغله ثانية .. قالي هالبحث ما منه فايده لأنه النظام الاشتراكي انقرض وخلاص ماكو شئ اسمه نظام اشتراكي .. انا تنحت جان يسألني سؤال غبي مادري شحقه سألني وبصراحه مو اول واحد يسألني هالسؤال من اول ما دشيت الكلية .. سألني انت متخرج من مدرسة انجليزية !؟ .. ماااادري شكوووووو والله 10 بالكلية لحد الحين سالوني نفس السؤال .. على العموم قبل البحث غصبا عليه وعطاني درجة كامله

تحميل البحث .. النظام الاشتراكي مزاياه وعيوبه

البحث الثاني .. بالاصح اهو مو بحث .. كان واجب خاص بمادة النظام الدستوري .. بس صج كان شغل مرتب وانا استانست عليه وايد

تحميل التكليف - مادة دستوري

واخييييييييرا .. البحث الماراااثوني .. اكثر بحث تعبت فيه واحتاج وقت وجهد مو طبيعي

مادة قاعة بحث 2 الدكتور محمد العتيبي ..

البحث عباره عن مناقشة رسالة ماجستير او دكتوراه .. وانا اخترت رساله بعنوان اتجاهات القضاء الكويتي في الطعون المتعلقه بانتخابات مجلس الامه للدكتور محمد الفيلي ..

تحميل البحث

طبعا باجر بنشوف هالبحوث مبيوقه والكل ينسخه ويشيل اسمي ويكتب اسمه بدالها ويروح يقدمها

يلا .. بالعافيه عليكم تستاهلون يا حقووووقيين عيال كليتي

صج هالبحوث مو قوية او يمكن ما تعجبكم بس نجحت وياي وقدمتها واخذت فيها درجات حلوه

اخوكم فواز الهلفي

click to show picture in large size

ياخييييبتك .. وانا اقول شحقه سووا مطبات بالنص

يلا ما عليه .. تعيش وتاكل/تاكلين غيرها

المهم .. زحمة وعفسه وناس تشتري حق العيد .. وانا امشي بسيارتي وسط هالاجواء

ما وعيت إلا صعيديه تأشر بيدها .. انا خففت السرعه عشان اشوف شسالفتها

يعني ما كان قصدي اوقف سيارتي

المهم .. جان تخمط جياسها من الارض وتنادي اليهال ..

احمد .. حسام .. يلا تعااااالو اهي السياره وصلت

انا تنحت للحين مو مستوعب .. ولا الحبيبه تبطل الباب وتركب

انا التفت قلتلها نعم ؟ خير يمه في ايه ؟

جان تقول الفروانية :S

قلتلها مالها الفروانية ؟

جان تقول انت روح كمان أدام شويه وبعدين خد أول لفه شمال

انا بصراحه شفتها مره عوده مو حلوه انزلها اهي وعيالها .. قلتلها ماشي

المهم .. دواعيس .. مني مناك .. يمين .. يسار .. ليما وصلنا عمارتهم

جان تمد إيدها وتقولها متشكرين يبني ربنا يديك الصحه والعافيه

اطالع .. ولا نص دينار لوووووووووووووول

قلتلها معلش خليها علينا هالمره اصلو العيد جاي خلي الفلوس عشان العيال

طبعا ما صدقت .. خذت نصها وجياسها وعيالها وشرفت

This post is password protected. To view it please enter your password below:

Password:

ابفهم ..

شنو الهدف لما يحطلك الخوذه ورى السياره .. ؟؟

وين نروح ..؟

شنسوي .. ؟

ملل ..

قررنا نسوي حل مؤقت لهذه المشكلة .. و يمكن يصير حل جذري ..

تم انشاء تصنيف يديد بالبلوق .. اسمه

Places

نحط فيه كل الاماكن اللي ممكن نزورها او ننصح بزيارتها ..

مجرد فكرة ..

طريقة المشاركة: تعليق او كومنت فيه المكان المطلوب و افضل وقت للزيارة .. ننتظر ابداعاتكم

To Participate: Suggest any place to visit in Kuwait through comments in this post.

يعيش الوردي

تحديث : الموضوع متعلق بتصميم البلوق .. صارت محاولات لتعديل الألوان ولكن يظل الوردي الأفضل .. حتى الآن

من الفرااااااااغه قلت حق فاايز ييب اللاب توب

واثاري الوايرلس يلقط واحنا بالطياره

ما اقول إلا مالت على الكويت ومطار الكويت الدووووولي

إلى اللقاء

فايز يضحك

ويتعلج

احنا اعتدنا نسوي مقابلات مع الحمايد بالشارع  

حتى حمايد دبي ما سلموا منا ..

اخليكم مع المقابلات بالصووووووت والصوووورة

المقابلة الاولى - مع افتقاار رااااعي الرييييييييينج

تحميل المقابلة الاولى

المقابلة الثانيه مع مخلص بتاع مكتب السيارات

تحميل المقابلة الثانية

الليله اجتمعنا بعد فترة انقطاع طويله .. لكن الغريب انه الشئ اللي جمعنا .. راح يفرقنا

بالفعل .. في نفس الموعد كل سنة .. نودع ايمن من جديد ليكمل دراسته في امريكا

هالسنه كان الاجتماع الختامي والسهره الوداعية في ستاربكس سالم المبارك وانا متعمد اختار هالمكان

لأنه ذكرياتي في هالمكان عزيزه على قلبي وكنا دايم نروحله ونقعد فيه .. باختصار كانت ايام حلوه

يوم حلو آخر .. استمتعنا مع بعض ولو انه كنا متضايقين لأنه اكيد راح نفتقد ايمن ونوله عليه

تم تسجيل السهره كاملة لكن كالعادة نحتفظ بالنسخ الكامله ونحط لقطات بسيطة في الموقع

الفيديو الاول .. عبارة عن كلمة ختامية ومشاعر جميله من ايمن

تحميل الفيديو الاول

واما الفيديو الثاني .. عبارة عن حملة ( لمااااذا يا كويت ) فكرة وتاليف ايمن

تحميل الفيديو الثاني

وفي النهاية .. نيابة عن كل اعضاء qft اتمنى لك يا ايمن التوفيق والنجاح

ولا تقطع .. لا تنسانا .. دق اسأل اشبك متى ما فضيت ..

موفق حبيبي ايمن

تروح وترد بالسلامه ,,

البيض او البرجر او الحليب اي شئ ثاني اكيد شئ عادي عندكم وتقدرون تسوونه وتاكلونه بالعافيه متى ما يعتوا

لكن بالنسبة لي … ولا عمري مسكت مقلاة او قلت حق نفسي ادش المطبخ اسوي شئ آكله

اليوم هو رابع يوم حسب الخطة السباعية لتعديل النومة اللي انقلبت فووووق حدر ..

قعدت الساعه 3 ونص الفير ولقيت نفسي في وضع مأساوي .. البيت صخه والكل نايم

والبطن يلعب يميييين يسااااار من اليوووووع ..

وجدت نفسي في مأزق كبييييير لأني مالقيت كووورنفلكس اللي اهو بالنسبة لي الشئ الوحيد اللي اقدر اسويه

دشيت النت وإذ بأيمن يطلب مني كالعادة اغاني تركيه .. بديت احن على راااااسه .. ايمنووو يوعاااااان

تدرون شلون .. اقروا الحادثه احسن

(U) : وك يوعاااان بموت :’(
(U) : انا بروح
(U) : مركز سلطان
(U) : بشتري اي شئ ينوكل
Tommorow’s Architect : ekel tofa7a
(U) : اقولك يوعان
(U) : تقولي تفاحه
(U) : يبا خلاص بروح اشوف تلفزيون ليما يقعدون الخدامات يسوولي بيض
(U) : شلون اسوي بيض ؟ :$
Tommorow’s Architect : loool
Tommorow’s Architect : kaslaaaaaaan
Tommorow’s Architect : 7e6 zet bel mogla
(U) : وايد ؟
Tommorow’s Architect : heat it up lil bit
Tommorow’s Architect : la mo wayed
(U) : جم معلقه :P
Tommorow’s Architect : ya3ni ma y’3a6i il bai’6a
(U) : ملعقه *
(U) : ماني فاهم
Tommorow’s Architect : rob3 glas 9′3eer
(U) : ربع ستكانة شاي
Tommorow’s Architect : la2 ne9
(U) : حلو
Tommorow’s Architect :
Tommorow’s Architect : then 5ala yetar
Tommorow’s Architect : ye7tar
(U) : شكثر
(U) : << دقيق
Tommorow’s Architect : o ba3den ekser il be’6a
Tommorow’s Architect : la wayed
(U) : 3 دقايق ؟
Tommorow’s Architect : ne9 degeega etha kanat high
Tommorow’s Architect : max degega
(U) : دقيقه عيل زين
(U) : حلو
Tommorow’s Architect : 7e6 il bai’6a
(U) : شنو احتمالات حدوث الحريق
Tommorow’s Architect : 100%
Tommorow’s Architect : loooooooooooool
(U) : لوووووووووووووووووووووووووووووووول
(U) : يا جلب
(U) : عيل
(U) : خل اروح اييب طفاية الحريق من السياره
ommorow’s Archi: nesbatan ela 3adam il 5ebra
Tommorow’s Architect : o 8elat il e7tya6at
(U) :  شلون اشغل الغاز :$
Tommorow’s Architect : yatazayad 7oddoth il 7aree8
Tommorow’s Architect : al7een tgool cham nesbat 7odooth infejaar bel bait
Tommorow’s Architect : dam feha ‘3az
(U) : لا يالجلب
(U) : انا بروح
(U) : ادعيلي
Tommorow’s Architect : looooool
(U) : تبي اسويلك بيض ؟
Tommorow’s Architect : mwafa8
Tommorow’s Architect : inshalah te6la3 il bai’6a
Tommorow’s Architect : 9a7ya

* انتهت المحادثه

بعد الاخذ باستشارات ايمن القيمة .. تم انجااااز العملية بنجاااح والحمدلله اكلت وشبعت

ابرز المشاكل اللي واجهتني .. تكسيييييير البيض .. يا الله ما اجذب إذا قلت نص البيض اللي اكلته قششششششر

غير هذا .. واجهتني مشكلة في البحث عن المعداات اللازمة .. مشالله الخدم يتفنوووون بخش هالشغلاااات

حست مني ومناك ما بقى درج ما فتحته اثاري المقلاة داخل جدر ..

سؤال اخير موجه لأيمن .. هل البيض يحتاج للقليل من الملح ؟

امانة الاكل كان ماااااااصخ :@:@:@

لقيت مسابقة المستضيف الكويتي اللي سويناها على مستوى ثانوية انس بن مالك

بصراحة كان التنظيم احتراااافي وفكرة المسابقة مو عاديه .. غير توقيع ناظر المدرسة وموافقته على نشر الاوراق

اخييييييه مع الوقت احس ان انجازاتنا مو عااااديه

بس احلى شئ يوم نكسر فيهم وما نوزع الجوائز لوووووووووووووول

تحس حققنا هدفنا والكل عرف شنو يعني المستضيف الكويتي .. وبالنهاية اللي عطونا اوراقهم ما يتجاوزون 10 اشخاص

عالعموم .. هذي نسخة من المسااابقة للتوووووثيق

http://www.q8x.info/doc/1st_mosaba’3a.doc

و اهم شئ الشرووووووط تحسووون حقاره اشكره مانبي عبدالرحمن مصطفى وشسمه الثاني هذاك اششششرف لووووووووووووول

للحين اذكر ويه عبدالرحمن مصطفى لما قرا الشرط الاول .. يقولي ليه كده يا فواز ؟ لوووووول

العن ام الحقاااااااره بس

إلا الفراق إنك تفارقنــــي       ***       ياظــــالمي والله مــا بيحـــــــك

فرحت عدواني بهجركلـي      ***       اســـــتر هوانـــــا بس اتـــركلي

إن كان كل القصـد تعذيبي      ***      تعـذيبي يعذب دهر إلا بهجركلي

ترى الهجر بفقدلك الطاعة      ***       ونفســــي عليك اليوم ملتاعـــــة

ترجي وصالك بأيها حـاله      ***       رهيفة نفســـــــي وجزاعـــــــة 

تـدري حياتي لك وهبها الله      ***        واليوم يــا غـــايب خلــــف الله

عوضــني الله بالصـــــــبر      ***        دونك هذي حياتي ما قسمها الله

thats why I love them .. Keep Going TURKEY

المهم اليوم بتاريخ 11-6 درينا انه وصل ولزم انه يشوفنا واحنا مالنا خلقه لوووووول

على العموم بما اني كنت متمسك بمباراة تركيا فقلتلهم ماني طالع خلوها باجر نتغدى بمطعم .. بس ايمن الجلب قال اليوم اشووووفك يعني اشوفك ..

المهم ماكو إلا اييون البيت عندي ونشوف المباراة ويا بعض .. وهذا اللي صاااااار

صورنا جم صورة .. وهذي بعض الصور التذكاريه ( كالعاده اضغط على الصورة للتكبير )

كل ما بصووووره يغمض عينه الجلب

بو علوه ما تيوز من سووووالفك

صورة جماعية بحضوووور بو صلوح

وهم ما تيوووز من السوني .. بسك تكفى

طبعا تتساءلووون مااااجد وييينه .. نترك الاجاااااابه للزمن

اللي يشارك بنك ابو قرعه مؤخرا هذا اخوي فايز

واتمنى تعذروني لأي مشاكل سببها لكم

لقد ترجل الفارس

إنتقل الى رحمة الله تعالى

الشيخ/ سعد العبدالله السالم الصباح
أمير دولة الكويت الأسبق

انا لله و انا اليه راجعون

بابا سعد ، آخر من يستحق لقب بابا

الله يرحمك

وسبب الازمة الصحية كالعاده الزقاااااااره اللي مو راضي يهدها بو خالد الله يهديه

فهذا التسجيل الصوتي عبارة عن رجااااااااء حااااااار لأبونا عبدالكريم انه يترك عنه التدخين .. عشانا .. احنا عشاق الصوت الجريح

 لتحميل التسجيل اضغط هنا

( اضغط هنا )

+

King Size Bedroom in 4 Stars Hotel [including Hot Breakfast everyday]

Duration: 4 Days

Special Bedroom for you

يعني مثلا بو علوه محلو هالايام .. من حقه يغير صورته

يلا شباب ناطر صوركم اليديده عشان ارفعهم

يوم كنت قائد الصف لوووووول كل يوم بالطابور واقف اول واحد

والله ايااااااااااااام

This post is password protected. To view it please enter your password below:

Password:

هذا شسويله يا جماعه ؟؟ شقوله ؟؟؟؟

باااط جبدي

تحميل الفيديو

وما تصدقون اذا قلنا انه الاربع فصول يمرووون بيوم واحد بالكويت

سويت أبديت على خاصية
Audio-Player

الحين تقدرون تحطون ملفات صوتية حتى بالكومنت

الطريقة طبعا معروفة

تكتبون جذي
[audio:http://www.example.com/file.mp3]

و راح يشتغل وياكم

التعديل الثاني اهوا خاصية
Gravatar

مثل ما انتوا شايفين ، كل الكومنتات ملوتي فيهم صورة
علشان انتوا بعد تطلع صوركم

سجلوا بموقع
Gravatar

و رفعوا صورتكم عليه ، و راح تطلع هني تلقائياً

أتمنى انكم استمتعتوا ،

رمضان كريم

اذا شفتوا أي مشكلة يا ريت لو تبلغونا

ملاحظة : ادري انه أيمن ماله لزمة و اهوا اكبر مشكلة بس شنسوي محسوب علينا
(نغزة)

انا باجي 5 اشهر الا 6 ايام على عيد ميلادي

شتنطرون انتوا ؟؟

كل واحد يفضح نفسه

مستعدين تتقبلونها ؟؟

شنو ممكن تكون

تحسينات

تطويرات

اضافات

تصب في الصالح المشترك

نظام الحكم في دولة الكويت ديمقراطي ، السيادة فيه للامة مصدر السلطات جميعا ، وتكون ممارسة السيادة على الوجه المبين بهذا الدستور .

مادة 6 بالدستور

اقول شلونك عليوي لؤؤؤؤؤل

الصراحه شي مو صج

شارع الشيخ زايد موووو طبييييييييييييييييييييييييععععععععععععييييييييييييييييييييي

المباني خيااااليه

المهم .. اجرن البي ام 700وفرينا دبي 15 مره

بس لو مأجرين لانسر نفرها 66 مره ب 3 ساعات

شييييي(ن) مو بطييييييييييعي

برب

يبي يروووووح بببرررررررر دبي

:D

This post is password protected. To view it please enter your password below:

Password:

الليله البرد قاارص ومشغلين الدفايات في جميع انحاء المنزل .. قلت آخذ حماام ساااخن بهذي الاجواء الرائعه

المهم دشيت الحمام ومعاي فوطتي وملابسي والروب الاحمر

بس سبحان الله اول مره اخذ معاي تلفوني داخل الحمام جني حاس بيصير شئ

المهم وانا اتمتع بالدش السااااخن وعلى الحان الست ام كلثوم .. قاعد اغني اغدا القااااك

ما وعيت إلا تلفوني يرن .. ولا ماااجد داق علي !! بس غريبه ليش رقمه دولي ؟؟

حسيت ان الموضوع متطووور أوي أوي .. رديت جان اقوله سويتها يالجلب ؟؟؟؟

جان يرد على طول بدون تفاهم وقال  ..

شتبي انييبلك من Hungry Bunny

قلتله سلامتك بس ممكن اعرف وينك ؟؟ هالمطعم صارله دهر منقرض بالكويت

جان يقولي انا ويا بو علوه بالدرب رايحين الخفجي !!

انتهى الموضوع ..

 ماجد يا الجلب .. علي يا حمااااااار .. نبي تقرير كاااامل عن الكشته المفاجأه وشلون صارت السالفة

وتجهيزاتكم وشلون بدت الفكره كل شئ كل شئ الحييييييين تكتبونه بس تشوفون الموضوع :@

جلاب ..

( اضغط على الصورة للتكبير )

 عشااااااااان محد ينسى .. هو احنا نااااااااااااقصيييين

وكمان للتوثيق  << مبدئي الشهير

هاااااااا .. منو بيي ويانا ؟ << نغزه يا كبرهااااااااااا

باجر اول ايام العيد

عيدكم مبارك جميعا ً لؤؤل

الا يا ليتني جنبك اعبرلك عن دفا احساسي

————————-
صرت عندي أغلى البشر وانفرض حبك علي

تعل نقضي ليالينا تحت ضي القمر والنجوم الغوافي

————————-
ينشدوني الناس عنك .. شالكلام الي تكتبه ؟؟ اكيد بقلبك حبيب طيب القلب لافي

اي نعم اجاوبهم هذا كلام مجلسها قلبي النابض يعبر عنه بأحلى القوافي

————————-

وهو عبارة عن رحلة لمدة 5 ايام لمدينة دبي

سعرالتذكرة 25 دينار

تاريخ الذهاب 29/1/2008

العودة 3/2/2008

نبي نعرف منو جاهز ومنو موافق ومنو اللي بيروح عشان نضبط الحجز وكل شئ

إرجعيلي يالحبيبة .. دنيتي دونج غريبة

ماني عارف بهالليالي وين بوديني المسير

امشي واهوجس بوحدتي امني دربي والمصير

طريقي ذبلت انواره وصار من الظلمة خطير

انا ماشي بطريقي وعقلي ماشي بطريقج تكفين وشهالحال العسير

امشي وافكر بدنيتي من بعد بعدج والهجير

ابتعد عني حبيبي واشلون اوقف جدام الشقا والالم ؟؟ بدونه قامت تنزل علي المصايب اعاصير

حبيبتي ليش البعاد ؟؟ ليش لوعة هالقلب الكسير ؟؟

حبيبتي امانه فكري بحالي لا تشوفين حالج وتنسين الي بحبج اسير

صرت لدنيتج مصباح ونجم عالي من تحته الدنيا تطير

وفجأة اذبلت ازهار عمري وطارت اوراقه مع الريح الصفير

ما بقالي غير ذكرا عطرج والرسايل وصورتج الي من اشوفها دمعي يسيل

أمانه يا عمري تعالي نعود مثل ما كنا حبايب منهم حتى نسمات الهوا تغير

اشوفج و يداعب شعرج الهوا والمس كفوفج بيدي واقولج احلى كلامي واعبر عن الي بخافقي قبل لا من الفرحه يطير

تعالي نرجع الماضي وذكرا الابتسامة واشواقي والحنين

تعالي نعيش لوحدنا لا هموم ولا زعل

تعالي نرجع ايام الوعود وندعيه ربي الفرقا ما تعود

بس تعالي ..

ارجعيلي يالحبيبة يا اغلى واجمل حبيبة ..

إرجعي ..

(U)

2/11/2007

بوصلوح خطب وصار بوعيال راعي بزنز وشغل ومصكر الجام ما يرد علينا

يلا عالبركه بوصلوووح يا حبي انشالله تكون بداية طريج السعد والأفراح وأحلى حياة بين أثنين

الحين حياة يديدة جدامك .. تزيد فيها المسؤوليه .. يزيد فيها الجد .. وانشالله موفق .. انا ادري انت قدها وقدود انشالله

شد حيلك واهم شي خل يكون عندك الحين دراستك.. لا تلهى وتهد مستقبلك

الله يوفقك وجميع السامعين ويزوجنا قريب ..

يلا دام انك بديتها انشالله ابهاتنا يتفهمون الوضع ويحققون امانينا ..

يعطيك العافيه والف مبروك ياخوي

:)

صور الحادث داخل الموضوع

رمضان مر بسرعة .. الدوام كان ثقيل نوعا ما 

المهم .. خلصووني وين عيديتي

تكفوون ابي نصيحتكم شسوي بمحاضره يكون فيها ابليس يمك وانت صايم وجدامك قريقور وما ادراك ما قريقور
لووووووووووووووووووول
يعني الكتاب مبين من عنوانه .. قريقور!! ما يبيله شرح
روماني امه مصريه لووووووووووووووووووووووول

siz is za book for linear algebra wiz all my pleasure

looooooooooooooooool

ღ°•¦ MoHanDisChy ¦•° ღ

حبيت اسجل كلمة اعجاب و تفاخر و ماكو شغل يعني فواز قاعد مبقق عينه على راسي يبيني اكتبله 4 سطور على قولته
حق التوثيق ولا ما تبون توثقون ، هذا كلامه
اي و يقول الصدف هذي ما تكرر
و قال كنسل الأخيرة
حشى انا طباع مو ماجد
لؤؤل

الموووووووووووهييييييييم

هاااااااااابي نيووووووو نيييييييييييييييير
احييييييييييييييييييييييييييييييييييييه
دشينا السنة الثالثة ولككككككم لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

مع تمنيات المستضيف الكويتي بالنجاح
شكوووووووووو

يقولي مشاركات دسمة هاااااااا

احسلك لا تعرفه لؤؤؤؤؤؤؤؤؤل

جم بقى وقت ولك شوف بتلفونك

باجي 6 دقايق

شالمصخرة
لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

يالله جب

طبعا فطورنا كل يوم تحت اشراف الطباخه المحترفه ( راني ) اهيا اللي تختار الطبخه كل يوم واهيا اللي تشرف عليها وتوزع باقي المهام على ( وارسوو + موارواري ) الخدامات المساعدات ..  لا تستغربون من اسم الثانية .. ترى اسمها معاونة بس انا اناديها موارواري وهذا اسم لاعب سنغالي محترف بنادي بورتسموث الانجليزي  .. وحتى الاولى اسمها وارستي ( حرب الشوارع ) بس انا وابوي اناديها وارسو كناية لعاصمة بولندا اللي راحلها ماجد بمسابقة اولمياد الحاسوب ..

 مو هذا موضوعنا ..

قررت الوالدة ( عسى الله يطول بعمرها ) في  يوم من الايام وبالتحديد الرابع من رمضان 17 الشهر .. انها تنزل المطبخ لأول مره منذ 20 سنه ( منذ الزواج تقريبا ) .. وتعد لنا وجبة افطار دسمه .. وكان الاختياااااااار …… عييييييش بالزعفرااااااااان

استغرقت الطبخة ساعتين تقريبا .. لكن النهاية كانت كالصااااعقه

العيش وردي يا جماعه !!!!!!!!!!!!

اضغط على الصورة لعرضها بحجم اكبر

منو عنده اقتراحات ..

اللي عنده صورة معينة خل يحطها برد من الردود

او يقولي عنها اذا كانت عندي او واحد منكم ..

يالله ناطرين

الوقت يمر بسرعه تونا مخلصين الصيفي .. ماكو راحه طول العام دراسة وعفسه ولويه

صيف جديد يمر من غير سفره محترمه .. كالعاده بالخيسه والحر بالكويت .. نفس الاماكن نفس الطلعات

العالم كلها مسافره بس احنا بالكويت ..

يمكن ابرز حدث مر هالصيف اهو ايمن اللي رجع الكويت وقعد معانا شهر ونص تقريبا .. لأنه بالفعل كنا مشتاقين له

عالعموم .. الكلية تفتح ابوابها من جديد .. لكن مع تحدي جديد سنه جديده بتكون اصعب من اللي قبلها

بنكون تحت ضغط كبير .. المعدل طااايح لازم نرفعه .. الله يكون بعونا يارب وعون الجميع

السؤال اللي يطرح نفسه .. انتو مستعدين للكلية والدراسة من جديد ؟؟

متحمسين ولا محبطين ؟؟

واخيرا شنو توقعاتكم او مخططاتكم ( استراتيجيتكم ) لسنة ثانية جامع ؟

….

اليوم كان عندي شغله ضرورية ولما اقول ضرورية تعرفون اني ما اتغشمر

فاعذروني يا شباب ما قدرت اطلع وياكم ..

من اول ما سافر ما كلمته إلا مرتين وبس ..

يعني قبل 11 يوم .. رحت مريت ماجد الفير الساعه 4 ونص او 5 تقريبا .. وكانت الوجهه ( النويصيب ) كالعاده !!

طبعا بما ان المسافة بعيده فلازم نوفر بعض الاحتياجات اللي تسلينا بالطريج ..  مرينا مركز سلطان سوق شرق وشرينا كل شئ نحتاجه في رحلتنا الممتعه  

1- كرتون خلال ورطب

2- بطلين ماي صحة

3- علوج اكسترا الازرق وبو سهم

4- مشروب ماجد الشهير ( ماعرف اسمه )

5- طابوقه

نعم .. طابوقه .. تبون تعرفون ليش ؟؟

شوفوا هالفيديو وبتعرفون شحقه الطابوقه

تحميل الفيديو

إلى حين ايجاد حل لمشكلة الـ Spams + Bots

 وهذي المشكلة كانت السبب في تراجع الفعالية والمشاركات بالبلوق

وانشالله من الحين راح نبدي نكتب مواضيع من جديد

كتب فريق العمل:
الزلزال الذي شهدته الكويت فجر أمس، وتفردت «الوطن» بالإشارة إليه على صدر صفحتها الأولى، كان حديث المواطنين والمقيمين، وبدا أنه كان غير عادي «لولا عناية الله»، فهو بلغ قوة مقدارها «4.3 على مقياس ريختر ومنبعه منطقة المناقيش»، فثارت تساؤلات وتفسيرات رأت أن «الزلزال أكد ان البلاد ليست بمنأى عن الزلازل، فضلاً عن أن العمليات النفطية ساهمت فيه كثيراً إلى جانب أعمال بيئية وإنشائية».
وذكر مدير معهد الكويت للأبحاث العلمية بالوكالة الدكتور نادر العوضي أن «الزلزال الذي ضرب الكويت فجر أمس كان في منطقة المناقيش وقوته 4.3، وحدث في الواحدة و46 دقيقة و15 ثانية»، مضيفاً «استمرت الموجات السيزمية الناتجة عنه ثلاث ثوان حتى وصلت المحطة الرديفة وهي أقرب محطات الشبكة الوطنية لرصد الزلازل في الكويت من مركز الزلزال».
وتابع: «مواطنون ومقيمون شعروا بالزلزال في أماكن متفرقة في الكويت، إذ استمرت الذبذبات المتولدة عنه ما يقارب 90 ثانية منها 30 ثانية محسوسة»، مبيناً أن «الشبكة سجلت هزتين تابعتين لهذا الزلزال أحداهما بقوة ثلاث نقاط، والثانية بقوة نقطتين وفي موقع الزلزال الأول».

المصدر : http://www.alwatan.com.kw/Default.aspx?MgDid=536162&pageId=26

جريدة الوطن : الاحد 19 اغسطس 2007