طبعا هالموضوع يعتبر من المواضيع الاولى اللي نكتبها بالبلوق في الحقبة الجديده
اعتقد يوم الاحد او السبت مادري اي واحد فيهم بالضبط .. يعني تقريبا تاريخ 11-3-2007 .. خلصت محاضراتي وكالعاده يتصل الاخ ماجد الابلييييس ويشيشني .. هاااا فواز امرررررك ؟؟ .. وانا بصراحة ماقدر اقول لأ لووول
المهم مرني الكلية ورحنا بحر المارينا .. كان الجو عجيب والشمس سااااطعة فجأة ولا تيينا فكرة مو طبيعية !!
الفكرة اهي تسجيل فيديو كليب لأغنية بو خالد ( غريب ) لوول .. جمعنا الافكار واخترنا موقع التصوير ونفذنا العملية بنجاح
راجـــع Posted on April 28th, 2007 at 12:25 am by Fawaz
بسم الله الرحمن الرحيم
اعضاء منظمة QFT الاوفياء .. زوار الموقع الكرام
في هذا اليوم .. في هذي الساعه .. وفي هذي اللحظة .. البلوق انولد من يديد
نعم .. بعد فترة غياب طالت شهرين تقريبا .. بعد ان تعرض هذا الموقع العزيز على قلوبنا لغزو غاشم من ناس فاضية تحب تعطل شغل الاوادم لأهداف غير معروفه .. ما علينا من هالموضوع الحين .. صج انه اثاره لازلنا نعاني منها ومشاركات اكثر من 4 شهور ضاعت بلحظة ..
لكن ماراح نخلي اللي صار يكون عائق او مصدر احباط لنا ككل .. لازم نتغلب على هذا ونكون إيد وحده ونشارك من يديد .. نبدي من الصفر .. مثل ما بدينا اول مره .. ليش لأ
شباب .. لا تنسون انه هالموقع له ذكريات حلوه .. كان جزء من حياتنا ولازال جزء منه .. بس نحتاج دعمكم .. خلو عزيمتكم قوية .. خنرجع ذكرياتنا .. كافي اللي صار هالشهرين .. حاشنا ملل مو طبيعي وطلعاتنا قلت .. وانا أعتقد ان الاختراق اهو السبب ..
مادري شقول اكثر من جذي .. اتمنى الرسالة وصلت لكم وتذكروا انه هذا البلوق اهو بيتنا .. وراح يظل للأبد بيتنا ومصدر رزقنا << شكو لوول
وصدق بو خالد لما قال : رااااجع بشووووقي ولهفتي .. من غربتي .. راجع لربعي وديرتي ومحبوبتي
او بالاصح الفضيييحة لوول
