تم قبولك في الرغبة الأولى….
اول ماتشوف هذي العبارة ترتاح وهذا اللي صارلنا انا وماجد وكذا واحد من مهندسي المستقبل 
سجلنا المواد بنفس يوم القبول وطبعا طلبة الاتحاد ما قصروا معانا الله يعطيهم العافية ومابغينا اكثر من جذي
وبعد يوم شاق طلعة من الصبح تحت وطأت شمس الكويت وزحمة الصالة وريحة الطلبة ……الخ
كل واحد قاعد بيتهم مرتاح وشنو احلى من انك تحس بقيمة دراستك وتميزك عن باجي الطلبة, المهم مرت الأيام الواحد فضل القعده بالبيت
مادري ليش هذي اول سنه يراودنا هذا الشعور لا والاكثر من جذي اني حاب ابلش الدراسة بسرعة ودي اشوف هذا العالم
عالم جامعة الكويت اكيد في فرق, بدال ماكنت طالع بويه مدرس ملامحه ممسوحة من الصبح ولا ريحة رفيجك اللي مو متسبح من شهر
ولا تبطل دفترك اللي كله اكسات وخطوط حمره وعلامات استفهام الحين صار الوضع غير, كل يوم تنزل من السيارة على صوت كعب طالبة
وتمشي ورا ريحة عطرها وتقعد بالمحاضره وعينك ما تشيلها من على الدكتورة…
احلام تروادنا بالليل عايشين بشهر عسل جامعي وفجأة يرن تلفونك وتشيله ولا واحد من طلبة الاتحاد الله يهديهم يباركلك على القبول ويقولك
انا اليوم بمرك وبعطيك اوراق وبطاقات تهمك, شنو هالاهتمام الزايد, بلعناها وصدقناهم قلنا يمكن يبون يفيدونا
بعضهم ياني البيت والاخر راحو حق ماجد بمارينا والله عايشين بدلال
بداية السالفة كانت مع ماجد بعد ماقتله انه في واحد دق علي وقالي كيت كيت كيت…
وماجد بالمارينا دق عليه ناصر وقاله وينك نبي نعطيك اوراق ماجد قالهم انا بالمارينا وما اطول السالفة راحوله مارينا
ماجد الحين مستانس بيعطوني اوراق ومتعنين ويايينلي ياسلام والاحلى من جذي انهم ثلاثة مو واحد لأ ثلاثة يعني الشغلة مهمه حيل
بعد السلام والمجاملات وهالخرابيط جان يعطون ماجد ملف ( حلو بدايتها ملف ) اي شنو بعد؟؟ الرد غير موجود
ماجد بطل الملف قال يمكن حاطين فيه سي دي ولا شيكات لوول
راحو الثلاثة من صوب وماجد يبطل الملف من صوب ولا شنو داخله ؟ شنو تتوقعون ؟؟؟
ستيكر تموروز انجينيير اللي شايفينا بكل سيارة بالكويت حتى الزبال بالشارع لاصقه على ظهره , ماجد انقهر بس همن صبر
وبالاخير وبعد كل هذا التعب راح الملف والستيكر وطي, انكب عليه ماي مادري عصير
الدور الحين علي… ألو ايمن شخبارك انشا الله تكون بخير ؟
ودي امرك اليوم بعطيك كذا شغله ؟ قتله حياك الله قتله مثل شنو ؟ قالي اوراق لما اييك بتعرف
قلت اوكي مو مشكله وعطيته عنوان بيتنا وقالي الساعة 11 اكون عندك
دق علي ماجد ودبرنا طلعه ورحنا مارينا>>> ستاربكس
قعدنا هناك وطلبت شاي حليب وماجد نفس الشي ونسولف قتله السالفة قالي دق عليه وقوله انك طلعت وماتقدر تاخذ منه الاوراق اليوم
دقيت وقالي خلاص خلها باجر احسن لأنه البطاقة بتخلص الساعة 12 اعطيك اياها باجر مره وحده .. اوكي
طبعا انا استانست بنكيف اليوم مع ماجد سهره لوول
اليوم الثاني..
excuse me boss u have a text message
ولا المسج من ناصر يقول انا بمرك الساعة 5 ونص
صارت 5 ونص وللحين ما بين ……………………………. صارت 6 وللحين ما شفنه ويهه
6 ونص يدق ويقول انا بالطريج يايك
نطرته واخيرا شرف ومعاه واحد ثاني دايخ اسمه همن ناصر
ها شنو عندك انا كنت متأمل انه يعطيني ستيكر وملف شي زين يعني ولا للأسف عطاني دعوة
ورقة مكتوب عليها دعوة عامة عشان اللقاء الارشادي الاول, انزين الدعوةعامة يعني لو خدامتنا تروح ماراح يقولون شي ليش كل هذا التعب
وللحين مادري ليش بس الظاهر الانتخابات تسوي شغل وايد.
رحنا اللقاء وقزرناها مع طلبة الاتحاد انا وماجد, سوالف ونكت ونصايح يعني خلاص صرنا منهم بعد اللقاء خذينا تاكسي ورحنا الفنار
اخرتها تعشينا وردينا البيت المهم بعدها بيوم دزوا مسج : يدعوكم طلبة الاتحاد لحضور اللقاء الارشادي الثاني يوم السبت الموافق 12/8/2006
وهمن دق علي ناصر مره ثانية يقولي بييك اقط عليك جم شغلة شوف الاسلوب الراقي وللحين ما شفت رقعت ويهه قال بيي وما يه
بالمختصر: طلبة الاتحاد مصلحة مايفيدونك الا وناطرين منك شي … صوتك مو طلبة الاتحاد وبس الا كل القوائم جذي
كل اللي عليك اخذ منهم كثر ما تقدر وعطهم كلام وبس .
A::::::::I::::::::M:::::::::A::::::::::N
..