الرقم القياسي الجديد .. !!
Posted on September 30th, 2005 at 2:21 am by Q8-HaCkErS
قوة .. شلونكم ..
اليوم .. طلعنا ويا الشباب .. كالعادة .. و رحنا سوق شرق .. كان عندنا شغل مو لازم تعرفونه .. لوول ..
المهم .. خلصنا .. و لا أيمن يدق علينا : ” ها وينكم ؟ ” .. احنا : “بسوق شرق” .. أيمن : “وين اييكم ؟” ..
قلناله : “تعال مارينا مول” .. لول .. و خرجنا بحثا عن وانيت قصدي تاكسي يودينا .. كالعادة .. لما نبي الشي ما نلقاه !! .. اضطرينا نمشي .. ندور تاكسي .. ولا تطلع الفكرة الجهنمية براسي .. نروح مشي .. لول
طبعا معروف عن ال QFT بهالسوابق و التصرفات المستحيلة لول .. حيث سبق لنا مع بو علوة .. عليوي .. انه ذهبنا من الأبراج الى مارينا مول .. مشي .. على الأقدام .. بالتمام و الكمال .. حتى وصلنا 
لكن اليوم .. زدنا الجيلة شوي .. و خليها من سوق شرق لين مارينا .. ما فرقت . لكن تحطيم للرقم القياسي السابق .. لول
مشينا .. و مرينا على محلات .. شرينا ماي و شي احمر طعمه ما يوحي انه حلال لوول ..
و ايمن .. مسكين زرعناه بالمارينا .. ناطرنا .. لول
كل شوي يدق .. وينكم و وينكم .. و كل مرة نعطيه مكان غير لول ..
لين ما وصلنا بعد جهد و تعب مضني .. ارتحنا في ستاربكس .. حيث اكملنا الفصلة .. لول
و بعدها اخذنا تيك اواي .. و ردينا بيوتنا .. !!
انتهى .. !!
نصيحة .. ايمن عينه حارة .. لا تقربون منه .. لوول .. !!
ماجد ..
الثلاثاء .. و الأربعاء .. !!
Posted on September 28th, 2005 at 4:03 pm by Q8-HaCkErS
عدنا لكم بعد غياب يوم ..
الثلاثاء .. شهد خروج ادمن 6 من المدرسة بسبب نزلة برد حادة . لدرجة انه عاداني على ما يبدو .. !!
رغم اني توني خالص منها .. !!
فقدناك يالأدمن العزيز و ما تشوف شر .. رغم وصول معلومات مؤكدة انه قعد اليوم الأربعاء و صاير مثل الجني ما فيه شي .. !!
الأربعاء .. !!
شهد غياب الأدمن .. دلع طلبة ..:P .. !!
و انا طلعت بعد الحصة الثالثة .. !!
باركولي .. اليوم قدمت امتحاني الأخير بجامعة الكويت .. !!
و رغم انف المراقبة المصرية .. نجحت .. لوول . !!
و الآن و بكل فخر .. عندي الرخصة الدولية لقيادة الحاسب الآلي .. بالعربي .. لحد يحاجيني .. !!
ماجد ..
الحل النهائي .. للقضاء على المجاعة !!
Posted on September 27th, 2005 at 7:54 pm by Fawaz
يوعان ؟ ما تدري شتاكل ؟ تبي تغير ؟
تعال شوف هالطبخة السحرية .. بس ديربالك !! تحكم بلعابك ولا تدعه يقضي على الكيبورد !!
-
حالة طوارئ .. 777 !!
Posted on September 27th, 2005 at 7:43 pm by Fawaz
الكل يعرف ان في هذه الأيام يعيش الناس عامة .. والطلاب خاصة موسم نشله !!
طبعا من الطبيعي أن الطلاب هم أكثر الناس تضررا ً ..
في طابور الصباح تقدر درجة الحرار 39 درجة مئوية بالتمام والكمال .. والشمس تخيم على ساحة العلم
والنتيجة = عرق + ريحة خايسه + ارهاق + وقد يتطور الأمر ليصل إلى التعرض لضربة شمس مبرحة !!
وبعد الانتهاء من الطابور يتجه الطلاب كالغنم صفا واحدا يداً بيد .. إلى الصفوف
وفجأة .. بدون انذار مسبق تتحول درجة الحراره إلى 16 درجة مئويه .. نعم انها حقيقه !!
والنتيجة = صعوبة في التنفس + عدم فهم الحصة في هذه الاجواء + جو يساعد على النوم !!
وانا عن نفسي أعلن حالة الطوارئ في جميع المدارس .. يرجى الاتصال على 777 ليقوموا بمصادرة الوحدات والمكيفات .
26 سبتمبر .. !!
Posted on September 26th, 2005 at 6:49 pm by Q8-HaCkErS
يوم اخر يمر .. احتكاك شديد مع الملتاع .. كاد ان يكشفنا .. !!
بو صلوح يعود للشلة مرة اخرى .. وعود بزيارة البلوق - بلوغ أو بلوج كلها واحد خخ - من بو علوة ..
بالإنتظار .. !!
نوم هادئ نسبيا .. معتدل الرياح .. لا شي يذكر .. حماس للدراسة من بعد النوم .. مادري ليش ؟؟!!
انتهى ..
ماجد ..
Protected: الحظ .. يكسر الصخر !!
Posted on September 25th, 2005 at 9:26 pm by Fawaz
Posted in
Motafariqat |
Enter your password to view comments
Protected: مسألة وقت .. !
Posted on September 25th, 2005 at 6:40 pm by Fawaz
Posted in
Private |
Enter your password to view comments
فصله ؟ أم تأثير الشوكولاة
Posted on September 25th, 2005 at 6:26 pm by Fawaz
يقولون .. الصوره بألف كلمة !!!
ورونا كلماتكم 
كلاكيت ثاني مرة .. ملل !!
Posted on September 25th, 2005 at 6:18 pm by Q8-HaCkErS
تذكرت ويه برعي .. مدرس الفيزياء الغبي .. راسه عوي .. ما ندري شمنه .. يمشي و راسه صاير على المستوى الأفقي .. لوول .. يحليلك والله .. فقدناك .. الحين حق منو نقول .. برررررعي .. !!
ماجد ..
الأسبوع الأول على المدارس !!
Posted on September 25th, 2005 at 5:55 pm by Q8-HaCkErS
حالة من الكآبة تسيطر على المشاعر .. غباء لا نهائي .. جمود ذهني .. كسل ..
و فوق هذا كله .. اشرف المصري الحمار .. يقولي ابي 5 جيجا .. حامض على بوزك .. اخر زمن نشوف هالأشكال .. !!
ماجد ..
تم الإفتتاح !!
Posted on September 25th, 2005 at 3:23 pm by المدير
أممم .. شنقول بعد الأفتتاح .. بلوج -او بلوغ على قولة المصريين- .. تجربة لأثبات الذات .. مجرد توثيق لحياة مجموعة من الأصدقاء .. انتهى ..
ماجد ..
